بلوچ یکجھتی کمیٹی ءِ سروک ڈاکٹر ماہ رنگ ءَ وتی شنگ کرتگیں درشانے ءَ گوشتگ کہ ھزار ءَ گیش بی وائی ءِ مردم درگیر کنگ بوتگ اَنت۔ من ءَ یا بی وائی سی ءِ چونیں ھم باسکے ءَ چونیں ھم تاوانے بوت گڑا ایشی زمہ وار پاکستان ریاست اِنت۔
آئی ءَ گوشتگ کہ 28 جولائی ءَ گوادر ءَ بلوچ راجی مچی یک ایمنیں مچی یے بوتگ۔ ریاست ءِ نیمگ ءَ زور کارمرز کنگ ءُ دارگ ءِ جھد کنگ بوتگ۔ سے روچانی میان ءَ ھزار ءِ نزیک ءَ ھمبل دزگیر کرتگ ءُ لھتین ءِ ھچ ھال نیست کہ چونءُ کج ءَ اَنت۔
ڈاکٹر ماہ رنگ ءَگوشتگ کہ چار روچ اِنت گوادر ءَ بندارگ اِنت ءُ نیٹورک بند اَنت۔ کشندہ ٹولی ءِ مردم ھمک دمکاں تچکی ءَ مردماں گرگ ءُ جنگ ءَ اَنت۔ گوادر نندانک ءِ سر ءَ دو بر ءَ ارش کنگ بوتگ۔ لشکر آتکگ گپ ءُ تران ءَ ابید زوراکی کرتگ۔ ما نہ زانیں کہ مئے چنچو مردم دزگیر ءُ چنچو ٹپی بوتگ۔ زھرشانی ءِ میان ءَ بیران بوتگیں مردمانی لاش جتائیں نادراھجاھاں ایر اَنت ءُ پہ آیانی چارگ ءَ موکل دیگ ءَ نہ اَنت۔
آئی ءَ لوٹ کرتگ ءُ گوشتگ کہ بیا اِت اے چکچینی ءِ بگیری ءَ بلوچ یکجھتی کمیٹی ءَکمک بہ کن اِت۔
