گوادر: زور گریں پاکستانی لشکر ءِ نیمگ ءَ چہ بازیں زوراکیاں ابید بلوچ یکجھتی کمیٹی ءِ نیمگ ءَ بلوچ راجی مچی گوں سوبمندی ءَ برجم دارگ بوتگ۔ پاکستا نی لشکر ءِ گیشیں زوراکیانی تہ ءَ ھزارانی کچ مردماں راجی مچی ءَ بھر زرتگ۔
راجی مچی ءَ بلوچ یکجھتی کمیٹی ءِ سروک ڈاکٹر ماہ رنگ ءَ تران کرتگ ءُگوشتگ کہ پہ راجی مچی ءِ بے سوب کنگ ءَ ماھے بیت کہ ھر وڑیں زوراکی کنگ بوتگ ءُ دارگ ءِ جھد کنگ بوتگ بلے مرچی سرجمیں بلوچستان ءِ تہ ءَ راجی مچی بوگ ءَ اِنت۔ مرچی سرجمیں گوادر آتکگ ءُ ھمے کلوہ ءَ دیگ لوٹگ ءَ اَنت ما ترا نہ لوٹ ایں ما تئی زوراکیاں نہ لو ٹ ایں اے سرڈگار مئیگ اِنت۔ بہ گند ئے ریاستءِ دومی نشانگ ما ءُ مئے سنگت بہ بنت بلے شمارا ھمد ءَ نندگی اِنت۔ اے زور مئے ءُ شمئے انت مرچی گندگ ءَ اِت کہ آ وت ءَ چیر دیگ ءَ اَنت۔ اے ھمے وڑ ءَترسینگی اِنت۔
آئی ءَ گوشتگ کہ مرچی سرجمیں گوادر بند اِش کرتگ، ھر جاہ ءُ ھمک دمک اِش بند کرتگ اَنت کہ بلوچ درکاینت، نوں آیان ءَ اے پسو دیگی اِنت کہ بلوچ در آتکگءُ انگت ءَ در کیت۔ مئے زمین مارا توار کنگ ءَ اِنت۔ اے زر مارا توار جنگ ءَ اِنت کہ بیا اِت بلوچاں پمن توار چست بہ کن اِت۔ مرچی نہ تیوک ءَ پاکستان بلکیں دگہ آتکگ ءُ مئے سر ءَ ارشکار اَنت۔ ایشانی مئے برات ءُ گھارانی سر ءَ ھم ارش کرتگ۔
