بلوچ یکجھتی کمیٹی ءَ وتی شنگ کرتگیں درشانے ءَ گوشتگ کہ بلوچ راجی مچی ءِ کاروانانی سر ءَ ریاستی زوراکی ءُ گوادر ءَ ھوار مکران ءَ بند ارگ ءِ بگیری ءَ مرچی ھزدار، کلات، منگوچر، نوشکے، دالبندین، مستونگ، ھاران ءَ ھوار بلوچستان ءِ گیشتریں ھنداں دکان ءُ باپاری جاھانی مردمانی نیمگ ءَ رزا ءِ بنیاد ءَ تھتگ بند ھرتال کنگ بوگ ءَ اَنت۔
آئی ءَ گوشتگ کہ اے بلوچ چکچینیءِ بگیری ءَ یک مردمانی جھدے، ایشی مردم ھر پیم ءَ کمک ءَ کنگ ءَ اَنت۔ اے جھد ءَریاست نہ گوں زور ءُ آزار ءِ کارمرز کنگ ءَ داشتگ کنت ءُ نہ گوں دروگیں بھتام ءُ گپاں داشت کنت۔
آئی ءَ گوشتگ کہ 28 جولائی ءَ گوادر ءَ بیوکیں بلوچ راجی مچی سرجمیں بلوچستانءَ تالان بوتگ۔ اے جھد چہ مردمانی زور ءُ توان ءَ بلوچ سرڈگار ءِ سر ءَ بلوچ چکچینی ءَسرجم ءَ ھلاس کنت۔
