برتانیہ ءَ ویسٹ منسٹر ھال ءَ لیبر پارٹی ءِ سروک ءُ پارلیمنٹ ءِ باسک جان میکڈول ءَ ماں چاگردی رسانکدر ایکس ءَ نبشتگ کہ بلوچ راجی مچی ءِ ایمنیں سپر کنوکیں مردمانی سر ءَ پاکستانی لشکر ءِ ارش ءِ بژنیگیں ھال اَنت۔
آئی ءَ گوشتگ کہ اے ارش بلوچستان ءَ برجاھیں مردمی ھکانی بگیری ءَ لگتمالی ءَ پیش کنت۔ پہ اے زوراکی ءِ دارگ ءَ نوں پاکستان سرکار ءَ زور دیگ ھژدری اِنت۔
یات بہ بہ اِت کہ پہ بلوچ راجی مچی ءِ دارگ ءَ ریاستی لشکر ءِ نیمگ ءَبلوچستان ءِ جتائیں ھند ءُ دمگاں زوراکی برجاہ اَنت۔ بازمردم آوار جنگ ءُ بیگواہ کنگ بوتگ ،چہ لشکر ءِ تیرگواری ءَ باز مردمانی ٹپی بوگ ءِ ھال اِنت۔
