نامداریں اھوالکار ونگس ءِ ماں چاگردی رسانکدر ایکس ءَ نشتگ کہ سرجمیں بلوچستان ءَ پہ بلوچ یکجھتی کمیٹی ءِ نیمگ ءَ بیوکیں بلوچ راجی مچی ءِ دارگ ءَ پاکستانی لشکر زور چکاسگ ءَ اِنت۔ جتا جتائیں ھنداں پاکستانی لشکر ءَ پہ بلوچ راجی مچی ءَ بھر زوروکیں مردمانی دارگ ءَ شھدگ بند کرتگ اَنتءُ بازیں کچے ءَ مردمانی زوریں بیگواھی ءِ ھال اِنت۔
آئی ءِ گوشگ اِنت کہ گوں ڈاکٹر ماہ رنگ ءَ گپ بوتگ ڈاکٹر ماہ رنگ ءَ گوشتگ کہ ما ھچ وڑا پدکنز نہ بہ ایں۔ بلوچستان یک لشکری بنجاھے جوڑ کنگ بوتگ اد ءَ راھبند ءُ مردمی ھک نیست۔
ڈاکٹر ماہ رنگ ءَ گوشتگ کہ 200 ءَ گیش بلوچ کارکن دزگیر کنگ بوتگ اَنت۔ ما ایمن ایںءُ مئے راجی مچی بس لھتیں ادارانی تہ ءَ بیت۔
آئی ءَ گوشتگ کہ ما پہ وتی ایمنیں مچی ءَ سرکار ءَ گوشتگ بلے آ مئے راھبندی لوٹاں گوش دارگ ءَ نہ اِنت۔
ڈاکٹر ماہ رنگ ءَ گوشتگ کہ سی ٹی ڈی کارکنانی دزگیری ءَ ھوار اِنت۔
دومی نیمگ ءَ پہ راجی مچی ءَ روگ ءَ سریم کورٹ ءِ پیشیگیں سرکماش الی اھمد کرد ھم گوں آدگہ وکیلانی ھمراھی ءَ شال ھزار گنجی ءَ پاکستانی لشکر ءَ داشتگ اَنت۔
