مردمی ھکانی کارکن ءُ وکیل ایمان مزاری ءَ بلوچ راجی مچی ءِ درگت ءَ ریاستی زوراکی ءُ پندلانی پژدر ءَ وتی شنگ کرتگیں تامر بندے ءَ گوشتگ کہ بلوچ راجی مچی ءِ بگیری ءَ ریاست زور ءُ اے مردمانی مچی ءِ بگیری ءَ ریاستی ادارہ ءُ وزیر پندل سازگ ءُ ایر جنگ ءَ اَنت۔
آئی ءَ گوشتگ کہ راجی مچی ءِ جار ءَ پد ریاستی زوراکی تیز کنگ بوتگ اَنت۔ بلوچ یکجھتی کمیٹی ءِ باسک ءُ دوازواھاں چندہ کنگ ءِ موکل نیست ءُ آیاں ترسینگ ءَ اَنت۔ باز مردمانی دزگیری ءُ زوریں بیگواھی ءِ کیس دیم ءَ آتکگ اَنت۔ آواران، ڈی جی ھان ءُ ھزدار ءَ جنین ھم نشانگ کنگ بوتگ اَنت کہ آ ھمے راجی مچی تکشام ءِ بھر بوتگ اَنت۔
مردمی ھکانی کارکن ءَ گوں پاکستان ءِ اھوالکاراں لوٹ کرتگ کہ آ بلوچ راجی مچی ءِ بگیری ءَ ریاستی زوراکیانی باروا توار چست بہ کن اَنت ءُزوریں بیگواھیاں ایر بہ جن اَنت۔
