شال: زورگریں پاکستانی لشکر ءَ چہ جتائیں جاھاں دو ورنا آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنایانی نام سھیبء دین مھمد لانگو ءُ وکاس ءِ مھم بکش اِنت ۔ پاکستانی لشکر ءَ زی بیگاہ ءَ سھیب لانگو چہ کلی اسماھیل ھان ءَ آوار جتگ ءُ وکاس چہ منوجان دگ شال ءَ آوار جتگ ءُ بیگواہ کرتگ۔
اے دوئیں ورنایانی زوریں بیگواھی ءِ گپ بلوچ راجی زرمبشت ( بی این ایم ) ءِ مردمی ھکانی ادارہ پانک ءَ راست کرتگ ءُ ماں چاگردی رسانکدر ایکس ءَ آیانی اکس شنگ کرتگ اَنت ءُ آجوئی ءِ لوٹ کرتگ۔
