بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں دوشی شپ ءِ ھشت ءَ ھاران ءِ ھند البت ءَ برجاھیں پاکستانی لشکر ءِ پانگس گوں نوکین ءُ وتکاریں سلاھان نشانگ کُرتگ کہ چہ ایشی ءَ یک کارمندے مُرتگ ءُ دو ٹپی بیتگ۔
آئی ءَ گوشتگ کہ بی ایل ایپ ءَ جنگی پِڑ ءَ پاکستان انگر کُرتگ ءُ سَسّائی پروش داتگ۔ سَسّائی ناگیگی ءِ آماچی ءِ سْوب ءَ ریاست ءِ لشکری کارمند لس مردماں نشانگ کنگ ءَ اَنت ءُ وتی پروش ءِ بیر ءِ گرگ ءِ جُھد ءَ کنگ ءَ اِنت۔ بلے ریاست ءَ زانگ لوٹ ایت کہ بلوچستان زورگِپت اِنت ءُ ریاست ءَ ھرچ کجا نشانگ کنگ ءُ پروش دیگ بیت۔
میجر گھرام ءَ ارش ءِ زمہ واری من اتگ ءُ گوشتگ کہ داں زورگِپتیں بلوچستان ءِ آجوئی ءَ پاکستانی لشکر ءَ نشانگ کن ایں۔
