کیچ: مرچی سھب ءَ چہ تجابان ءَ زورگریں پاکستانی لشکر ءِ دست ءَ زور بیگواہ کنگ بوتگیں دوئیں کماش بشام ءُ مھمد کریم آجو بوتگ اَنت۔
اھوالکار ءِ رد ءَ پہ بشام ءُ مھمد کریم ءِ آجوئی ءَ پاکستانی لشکر ءِ بنجل ءِ دیم ءَ برجاھیں زھرشانی نندانک ھلاس کنگ بوتگ۔ سنگ ءِ آباد ءِ زرباری کوہ ءَ شتگیں پاکستانی لشکر ءِ کارمند ھم واتر بوتگ اَنت۔
یات بہ بہ اِت کہ مرچی پاکستانی لشکر ءَ تجابان ءَ ھوار کرکی ءُ سنگ آباد ءَ گساں بیڑ برتگ ءُ گوں مردماں زوراکی کرتگ۔
