کیچ: تجابان ءَ زورگریں پاکستانی لشکر ءَ بیڑ برگ ءِ میان ءَ دگہ یک کماشے آوار جتگ ءُ بیگواہ کرتگ۔
اھوالکار ءِ ردءَ زور بیگواہ کنگ بوتگیں مردم ءِ نام مھمد کریم اِنت کہ تجابان ءِ جاہ منند اِنت پاکستانی لشکر ءَ چہ گس ءَ آوار جتگ ءُ بیگواہ کرتگ۔ چہ تجابان ءَ مرچی بیگواہ کنگ بوتگیں مردم دواَنت۔ مھمد کریم ءَ پیش بشام آوار جنگ بوتگ۔
زور بیگواھیں مردمانی کھولاں سی پیک دگ پچ کرتگ ءُ پاکستانی لشکر ءِ بنجل ءِ دیم ءَ زھرشانی ءَ نشتگ اَنت۔
کھولانی گوشگ اِنت دانکہ مئے مردم آجو نہ بوتگ اَنت ما وتی زھرشانی نندانک ءَ برجاہ دار ایں۔
