تربت: کیچ دمگدار ءِکارگس ءِ دیم ءَ زور بیگواھیں مردمانی کھول ءِ نیمگ ءَ برجاھیں زھرشانی نندانک ءَ یازدہ روچ سرجم بوتگ۔ سے شمبے ءِ روچ ءَ زور بیگواھیں پتہ میار ءِ پت ناکو میار ءَ دل ءَ گپتگ ءُ تستگ۔
اے وھد ءَ زھرشانی نندانک ءَ دہ زور بیگواھیں مردمانی کھول ساڑی اَنت۔ پہ زور بیگواھیں مردمانی کھولاں ھمدردی درشان کنگ ءَ چہ کیچ ءِ جتائیں جاھاں مردم آتکگ اَنت۔ کھولاں ابید سیاسی ءُ چاگردی کارکن ءُ سروک ھم نندانک ءَ ساڑی بوتگ اَنت۔
دہ روچ ءِ گوزگ ءَ پد انگت ءَ چہ وتگڑیں سرکار ءِ نیمگ ءَ پہ آیانی لوٹانی منگ ءَ ھچ وڑیں دلجمیں گامگیج زورگ نہ بوتگ۔
زور بیگوھیں مردمانی کھولا نی گوشگ اِنت دانکہ مئے زور بیگواھیں آزیز آجو کنگ یا آمیدگس ءَ پیش کنگ نہ بوتگ اَنت ما وتی زھرشانی نندانک ءَ برجاہ دار ایں۔
یات بہ بہ اِت کہ چہ ناکو میار ءَ پیش زور بیگواھیں مسلم آرپ ءِ پت ءُ جان مھمد ءِ مات نادراہ بوتگ اَنت۔
