ھرنائی: پجار نہ بوتگیں سلاہ بندیں مردماں دوشی ھرنائی سنجاوی ءَ اشکر بروکیں گاڑیانی سر ءَ ارش کرتگ ءُ تیرگواری ءِ آسر ءَ ڈرائیور ٹپی بوتگ اَنت، اے ویل ءِ بگیری ءَ مردماں شھر ءَ تھتگ بندھرتال کرتگ۔
انچوش گوشگ بوگ ءَ اِنت کہ چہ ٹپی بوتگیں ڈرائیوراں رند ءَ یکے ءَ ٹپانی درد نہ سگ اِتگ اَنت ءُ بیران بوتگ۔
زھرشانی کنوکیں مردمانی گوشگ اِنت کہ دوشی ارش ءَ پد واکدار وتی زمہ واریاں پیلو کنگ ءَ نہ اِنت۔ نہ ٹپی بوتگیں مردماں وت چست کنت ءُ نہ مارا برگ ءِ موکل ءَ دنت۔
آئی ءِ گوشگ اِنت کہ مارا لیویز کارمند ٹپی بوتگیں مردمانی چست کنگ ءَ نہ ھلگ ءَ اِنت، مارا لیویز ءَ ھمے گوشتگ کہ کمک دمگدار ءِ گوشگ اِنت کس ءَ ٹپی بوتگیں مردمانی نزیک ءَ روگ ءَمیل اِت۔
زھرشانی کنوکیں مردمانی گوشگ اِنت کہ واکدار ءِ ھمے رویشت ءِ سوب ءَ ٹپی بوتگیں ڈرائیور بیران بوتگ۔ اگاں اے ویل ءِ باروا پٹ ءُ پول کنگ نہ بوت گڑا ما پہ گیشتر زھرشانی کنگ ءَ لاچار بہ ایں۔
