بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ 22 جولائی ءَ مئے سرمچاراں ھرنائی ءِ ھند ماروا تنک ءَ پاکستانی چیریں ادارہ ءِ پرمان ءِ رد ءَ جتگیں چاریگی موبائل ٹاور نشانگ کرتگ۔
آئی ءَ گوشتگ کہ سرمچاراں موبائل ٹاور ءِ مشین ءُ چاریگی سامان مانداشتگ ءُ تباہ کرتگ اَنت۔
بی ایل اے ءِ جارکش آزاد ءَ وتی درشان ءِ گڈی ءَ گوشتگ کہ اے اُرش ءِ زمہ واری ءَ مئے گل بی ایل اے من ایت۔
