بلوچ راجی زرمبشت ( بی این ایم ) ءِ مردمی ھکانی ادارہ پانک ءَ ماں چاگردی رسانکدر ایکس ءَ استاد منھاج مکتار ءِ گسانی سر ءَ پاکستانی لشکر ءِ ارش ءِ پژدر ءَ نبشتگ کہ ما بلوچستان ءَ بلوچ گشندہ مھناج مکتار ءِ گس ءِ سر ءَ پاکستانی لشکر ءُ آئی ءِ کشندہ ٹولی ءِ نیمگ ءَ دگہ یک ارشے ءِ ھال ءِ اش کنگ ءَ سک بژنیگ بوت ایں۔ شھری ءُ آیانی مڈیانی بگیری ءَ زور ءِ کارمز کنگ ءَ نہ من ایں۔
آئی ءَ گوشتگ کہ ما گوں میان استمان ءَ لوٹ کن ایں کہ آ اے ارش ءَ ایر بہ جن اَنت ءُ بلوچستان ءَ درسیں شھریانی پھریزگ ءُ پہ پھازداری ءَ دلجمی دیگ ءَ کار بہ کن اَنت۔
یات بہ بہ اِت کہ زورگریں پاکستانی لشکر ءُ آئی جوڑ کرتگیں کشندہ ٹولی ءِ کارمند تمپ ءَ استاد منھاج مکتار ءِ گس ءِ سر ءَ مدام بیڑ برگ ءُ تیرگواری کنگ ءَ اَنت۔ باز بر ءَ آئی کماشیں پت ءُ کھول ءِ آدگہ مردم زوراکیانی آماچ کنگ بوتگ اَنت۔
