![](https://zrumbesh.com/wp-content/uploads/2024/06/photo-output-21.JPEG-1024x576.jpg)
بلوچستان آجوئی سنگر ( بی ایل ایپ ) ءِ جارکش میجر گھرام ءَماں رسانکدر ءَ وتی شنگ کرتگیں درشانے ءَ گوشتگ کہ سرمچاراں چہ گوادر ءَ دیم پہ پنجاب ءَ مادن بروکیں دو ٹرالرانی سر ءَ اُرش کُرتگ ءُ تاوان داتگ اَنت۔
آئی ءَ گوشتگ کہ کیچ ءِ ھند شھرک ءَ مادیان کور ءَ سی پیک دگ سرمچاراں بستگ ءُ یک ٹرالرے ءِ سر ءَ تیرگْواری کُرتگ ءُ ٹائر پاٹینتگ اَنت ءُ دومی ٹرالر دگ ءِ میانجی ءَ اوشتارینتگ ءُ مانداشتگ۔
جارکش ءَ گوشتگ کہ پاکستان ءُ چین ءِ وتگڑیں راہ ءَ پاکستان دیمروئی ءِ پارست سرپد بیت ءُ پہ اے شوربندی ءِ آسر کنگ ءَ پاکستان ءَ بلوچستان ءِ سر ءَ لشکرکشی کُرتگ ءُ بلوچ راج ءَ زور بیگواھی، ژانگولیں جون ءُ لڈینگ ءِ سوگات داتگ، بلے چہ دژمنی ءَ نا آژنائیں پاکستانی لشکر بلوچ سرمچارانی دیم ءَ اگولو بیت۔
آئی ءَ گوشتگ کہ بی ایل ایپ ءَ پیش ءَ ھم باپاری مردمان ءَ کڈن کُرتگ کہ بلوچستان یک جنگجاھے کہ پاکستانی زور ءُ زوراکیانی دیم ءَ بلوچ سرمچار چہ راج ءِ کمک ءَ سُرپ ءِ دیوال جوڑ بیتگ اَنت۔ ما یکبرے پد ءَ ھما دُرسیں باپاریاں کڈن کن ایں کہ پاکستان ءِ ھرچ پیمیں شوربندی ءِ کمک کنوک راج دُژمن لیکگ بنت ءُ پمشکا چہ پاکستانی لشکر ءِ شوربندیاں وت ءَ گستا بہ کن اِت اگاں نہ گڑا وتی تاوان ءِ زمہ وار وت اِت۔
میجر گھرام ءَ ارش ءِ زمہ واری من اتگ ءُ گوشتگ کہ دیمتر ءَ تُرندیں اُرشانی پارست ءَ پاکستان ءَ پہ دراھگ ءَ لاچار کنگ ءِ کول ءَ کن ایں۔