![](https://zrumbesh.com/wp-content/uploads/2024/07/8740F3E3-8E32-4BBA-9D1B-9B6BFEC8B2D2-1068x712-1-1024x683.jpeg)
تربت: زور بیگواھیں مردمانی کھولانی زھرشانی نندانک ءَدمگدار ءِ کارگس ءِ دیم ءَ ھپت روچ سرجم بوتگ۔ چہ زھرشانی ندانک جاہ ءَ زور بیگواھیں جان مھمد ءِ مات بی بی شراتون تستگ ءُ آئی جاور ناگیگ اَنت۔
اے وھد ءَ زھرشانی نندانکءَ چہ کیچ ءِ جتائیں ھنداں پاکستانی لشکر ءِ دست ءَ زور بیگواہ کنگ بوتگیں مردمانی کھول ساڑی اَنت۔ زھرشانی نندانک ءَنشتگیں مردمانی تہ ءَ کسانیں زھگ ، پیرزال ءُ کماشیں مردم ھوار اَنت۔
آدینگ ءِ روچ ءَ پہ زور بیگواھیں کھولانی ھمدری درشان کنگ ءَ چہ جتائیں ھنداں سیاسی ءُ چاگردی کارکن ءُ لس مردم آتکگ اَنت۔
زور بیگواھیں مردما نی کھولانی گوشگ اِنت دانکہ مئے زور بیگواھیں آزیز یل کنگ نہ بوتگ اَنت ما وتی زھرشانی ءَ برجاہ دار ایں ءُ زھرشانی ءِ درسیں وڑءُ پیماں چکاس ایں۔