بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ گوادر مچی ءِ درگت ءَ نبشتگ کہ سرجمیں بلوچ راج 28 جولائی ءِ روچ ءَ چہ وتی گس، ھنداں در بہ کپ ایت ءُ وت ءَگوادر ءَ سر بہ کنت، سرجمیں جھان ءَ ھمے کلوہ ءَ بہ دنت کہ ما یک توانمند ءُ زندگیں راجے ایں، شرپمند ءُ وتواکیں راجے ایں۔
آئی ءَ گوشتگ کہ بلوچ راج ءُ بلوچ سرڈگار بے کس نہ اَنت۔ پہ وتی راج ءُ سرڈگار ءِ دیمپانی ءَ گھگیری زندگ بوتگ، گھگیری زندگ اِنت ءُ گھگیری زندگ بیت۔
