آواران ءِ جاہ منند ءُ زوربیگواھیں ڈاکٹر ابدالھی ءِ گھار بھتاور ءَ گوشتگ کہ منی برات داکٹر ابدالھی پاکستانی لشکر ءَ یک جون 2024 ءَ آوار جتگ ءُ بیگواہ کرتگ۔ 44 روچ ءِ گوزگ ءَ پد ھم آئی ھچ وڑیں ھال نیست۔ آئی ءِ باروا مارا ھچ وڑیں سرپدی دیگ ءَ نہ اَنت کہ آ چون ءُ کج ءَ اِنت کجام میار ءَ بیگواہ کنگ بوتگ۔
بھتاور ءَ گوشتگ کہ منی برات یک سرکاری نوکرےءُ آ آواران ءِ دمگی نادراھجاہ ءَ کار ءَ بوتگ ءُ آچہ وتی درمانجاہ ءَ زور بیگواہ کنگ بوتگ کہ انگت بیگواہ اِنت۔
ڈاکٹر ابدالھی ءِ گھار ءَ گوشتگ کہ منی برات ءِ سر ءَ چونیں بھتامے ھست گڑا آمیدگس ءَ پیش کنگ بہ بیت اگاں بے میار اِنت زوت یل کنگ بہ بیت۔
