ایمنسٹی انٹر نیشنل ءَ بلوچستان ءَ پولیس ءِ نیمگ ءَ درکانودی زور ءِ کارمرز کنگ ایرجتگ،ایشی ءِ تہ ءَ 11 جولائی ءَ شال ءَ بیوکیں زھرشانی ءَ چمی گیس جتگ ءُ لٹ شاپ کرتگ ءُ پرایمنیں زھرشانی کنوک بازیں کچے ءَ وتی دلیگانی کنگ ءُ دزگیری ھوار اَنت۔
درشان ءَ گوشگ بوتگ کہ 27 جون ءَ زوربیگواہ کنگ بوتگیں پہ زھیر ءِ آجوئی ءَ شال ءَ بلوچانی نیمگ ءَ زھرشانی کنگ بوتگ۔ ایمنسٹی انٹر نیشنل ءَ باز مردمانی ھال سربوتگ کہ آ ٹپی اَنت ءُ آیان ءَ زوت کمک درکار اِنت۔ پر ایمنیں زھرشانی کنوکا نی سر ءَ وتی دلیگانی کنگءُ دزگیری میان استمانی مردمی ھکانی کانود ءِ بگیری اِنت کہ میان استمانی کول ءِ بزاں شھری ءُ سیاسی ھک ( ICCPR ) ءِ آرٹیکل نمبر نو ءُ داوزدہ ءِ رد ءَ اِنت۔ ایشی سر ءَ پاکستان ءِ دزرند داتگ۔
ایمنسٹی انٹر نیشنل ءَ گوں پاکستان سرکار ءَ لوٹ کرتگ کہ ٹپی بوتگیں زھرشانی کنوک زوت درمان کنگ بہ بنت۔ تیوک ءَ ایشی پسو ءَ بدے کہ پولیس ءَ دزگیر کرتگ اَنت۔ زوت ھمے زھرشانی کنوکانی جاہ گوشگ بہ بیت کہ چہ اود ءَ دزگیر کنگ بوتگ اَنت۔ زھرشانی کنوک زوت یل کنگ بہ بنت یا آمیدگس ءَ پیش کنگ بہ بنت آیانی سر ءَ میان استمانی منگ بوتگیں میارباری ءِ بھتام ءَ بہ گوش ءُ پر ایمنیں زھرشانی کنوکانی بگیری ءَ درسیں بھتام ھلاس کنگ بہ بنت۔
