بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آواران ءِ ھند مشکے ءَ زورگریں پاکستانی لشکر ءِ سر ءَ اُرش کُرتگ ءُ جانی ءُ مالی تاوان داتگ۔
آئی ءَ گوشتگ کہ دہ جولائی ءَ روچ ءِ سَے ءَ سرمچاراں ملش بند مشکے ءَ برجاھیں زورگریں پاکستانی لشکر ءِ بنجل ءِ سر ءَ چہ دو نیمگ ءَ گوں راکٹ ءُ دگہ وتکاریں سلاھاں اُرش کُرتگ۔ اُرش ءَ دژمنیں لشکر ءِ دو کارمند مُرتگ ءُ باز ٹپی بیتگ۔
میجر گھرام ءَ ارش ءِ زمہ واری من اتگ ءُ گوشتگ کہ داں سرڈگار ءِ آجوئی ءَ زورگریں پاکستانی لشکر ءِ سر ءَ سرمچارانی اُرش برجاہ بنت۔
