گوادر: زورگریں پاکستانی لشکر ءُ چیریں ادارھانی کارمنداں دو ورنا آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنایانی نام امداد ھسین ء مھمد ھسین ءُ آدم نیسم ءنیسم اِنت کہ یکیں کھول ءِ مردم اَنت ءُ دشت ءِ جاہ منند اَنت، دیر اِنت چہ پاکستانی لشکر ءِ زوراکیاں دلسیاہ بوتگ اَنت لڈ ءُ بار اِش کرتگ گوادر ءَ آتکگ اَنت۔
زور بیگواھیں امداد ھسین ءِ باروا گوشگ بیت کہ شومک ءِ نادراھے ءُ مرچی چہ گوادر ءِ ڈور ءَ دکان ءَ پاکستانی لشکر ءُ چیریں ادارھانی کارمنداں آوار جتگ ءُ گوں وت برتگ۔ نسیم آدم 8 جولائی ءَ چہ کنٹانی ءَآوار جنگ ءُ بیگواہ کنگ بوتگ۔
اے دوئیں ورنایانی زوریں بیگواھی ءِ گپ بلوچ راجی زرمبشت ( بی این ایم ) ءِ مردمی ھکانی ادارہ پانک ءَ راست کرتگ ءُ ماں ایکس ءَ آیانی اکس شنگ کرتگ اَنت ءُ آجوئی ءِ لوٹ کرتگ۔
