![](https://zrumbesh.com/wp-content/uploads/2024/07/WhatsApp-Image-2024-07-09-at-12.14.11_7b62c64b-1024x576.jpg)
شال: زور بیگواھیں زھیر اھمد ءِ کھول ءِ زھرشانی نندانک ءَ گوستگیں نو روچ اِنت کہ سریاب دگ ءَ برجاہ اِنت چہ سرکار ءِ نیمگ ءَ پہ آیانی لوٹانی منگ ءَ ھچ وڑیں گامگیج زورگ نہ بوتگ۔ چہ بلوچ یکجھتی کمیٹی شال ءِ نیمگ ءَ شنگ بوتگیں جارے ءَ گوشگ بوتگ کہ زھیر ءِ 27 جون ءَ زور بیگواہ کنگ ءِ بگیری ءَ آئی کھول گوستگیں نو روچ اِنت کہ سریاب دگ ءَ زھرشانی ءَ نشتگ ۔ انگت ءَ واکدار، پولیس، آمیدگس ءُ سرکار ءِ نیمگ ءَ ھچ وڑیں گامگیج زورگ نہ بوتگ، بلکیں ریاستی ادارہ بے توار اَنت۔
آئی ءَ گوشتگ کہ سرکار ءِ نیمگ ءَ نازرسی دیستگ زھیر اھمد ءِ کھول ءَ ھمے سوڑگ کرتگ کہ نوں وتی زھرشانی ءَ ترند کن ایں اے درچ ءَ پونشی پنچ شمبے ءِ سھب ءِ دہ ءَ روانکء ِ دروشم ءَ رویں ءُ ریڈ زون ءَ بند کن ایں۔
آئی ءَ گوں بلوچ راج، اھوالکار، مردمی ھکانی ادارھاں ھوار گوں درسیں بھرگاں سیادی داروکیں مردماں لوٹ کرتگ کہ زھرشانی ءَ ھوار بہ بنت ءُ زھیر اھمد ءِ کھول ءِ توار جوڑ بہ بنت۔