بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ 8 جولائی ءَ مئے سرمچاراں کیچ ءِ ھند بلیدہ ءَ میناز مھمد آباد ءَ پاکستانی لشکر ءِ کاروان گوں چیرکرتگیں شورھاں نشانگ کرتگ۔
آئی ءَ گوشتگ کہ سرمچاراں بمب گوں پرپٹے ءَ بستگ ءُ کاروان ءَ ھواریں گڈی گاڑی نشانگ کرتگ۔ تراک ءِ آسر ءَ زورگریں لشکر ءِ دو کارمند مرتگ ءُ چار ٹپی بوتگ۔ رند ءَ لشکر ءَ وتی مرتگ ءُ ٹپی بوتگیں کارمند جنگی بالگرد ءِ رد ءَ برتگ اَنت۔
بی ایل اے ءِ جارکش آزاد ءَ گوشتگ کہ اے ارش ءِ زمہ واری ءَ مئے گل من ایت۔
