گوادر: پسنی ءَ لینانی بند کنگ ءِ بگیری ءَ شھر ءَ تھتگ بند ھرتال کنگ بوتگ ءُ جنیناں کیسکو ءِ کارگس انگر کرتگ۔ ھمے میان ءَ پولیس ءَ جنینانی سرءَ بیڑ برتگ ءُ لٹ شاپ کرتگ اَنت۔ مردماں زھرشانی ءَ مکران شھدگ بند کرتگ دوئیں نیمگاں مزنیں کچے ءَ گاڑی اوشتوک بوتگ اَنت۔
آیاں تران کرتگ ءُ گوشتگ کہ پسنی ءَ ھمک روچ لین روگ ءَ اَنت، ایشی ءِ بگیری ءَ تھتگ بند ھرتال کرتگ، جنیناں کارگس انگر کرتگ پولیس ءَ جنین لٹ شاپ ءُ ٹپی کرتگ اَنت۔ پولیس ءُ واکدار ءَ ایس ڈی او ءُ کیسکو ءِ بگیری ءَ ایپ آئی آر نہ کرتگ ایشی بگیری ءَ ما زھرشانی کرتگ ءُ شھدگ بند کرتگ۔
زھرشانی کنوکیں مردمانی گوشگ اِنت کہ ما چہ کیسکو ءِ رویشتاں دلسیاہ بوتگ ایں ءُ زھرشانی کرتگ اگاں مئے لوٹ منگ نہ بوت اَنت ما وتی زھرشانی ءَ گیش ترند کن ایں ایشی زمہ وار کیسکو واکدار اَنت۔
