بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ شال ءِ نزیکیں ھند شھبان ءَ دزگیر بوتگیں بندیگانی پہ مٹ کنگ ءِ لوٹ ءَ زورگریں پاکستانی لشکر ھر وڑیں گامگیج زورگ ءَ بے سوب بوتگ۔ پمیشکا یک ھپتگے ءِ داتگیں وھد ءِ ھلاس بوگ ءَ پد بی ایل اے ءِ کمانڈکونسل ءِ سوڑگ ءِ رد ءَ دزگیر بوتگیں میاربارانی سزایانی سر ءَ باندا کار کنگ بیت۔
آئی ءَ گوشتگ کہ بی ایل اے ءِ پتہ اسکواڈ ءَ بیست جون ءَ اھوتی ءِ ھالے ءِ بنیاد ءَ شال ءِ نزیکیں ھند زرگون ءِ نزیک ءَ شھبان ءَ نشانگیں آپریشن کرتگ ءُ دہ شکی ئیں مردم دزگیر کرتگ اَت۔ بنداتی جست ءُ پرس ءَ پد بلوچ آمیدگس ءَ پیش کنگ بوتگ اَنت، اود ءَ ھپت میاربارانی سر ءَ گوں پاکستانی لشکر ءُ چیریں ادارھاں تچکی ءَ پہ بلوچ راجی زرمبشت ءِ بگیری ءَ کار کنگ ءِ بھتام راست بوتگءُ سے بے میار بوتگ اَنت۔ چہ ایشی ءَ پد ھما سے ئیں مردم مھمد ھارس رپی ء مھمد رپی جاہ منند ملتان پنجاپ، ھسنین سیال ء ابدالاھد سیال جاہ منند شال ءُ ابدالسبیر درانی ء ابدالزیز درانی جاہ مند شال پہ سلامتی یل کنگ بوتگ اَنت۔
جارکش ءَ گوشتگ کہ بی ایل اے ءِ دزگیر بوتگیں مردم کہ آیانی تہ ءَ مھمد الی ء ھورشید جاہ منند کانیوال پنجاپ، ھسن رزا ء شان رزا، پرھان رزا ء شان رزا، ریھان رزا ء شان رزا، مھمد ھمزہ ء مھمد رپی جاہ منند ملتان پنجاپ، مھمد رزا ء شیک مکسود رزا ھوار اَنت۔ اے میاربار دزگیری ءَ پد جست ءُ پرس کنگ ءُ بلوچ آمیدگس ءَ پیش کنگ بوتگ اَنت۔ اود ءَ منانک، گواہ ءُ میارباری ءَ پد اے میاربارانی سر ءَ بلوچ چکچینی ءَ تچکی ءَ ھوار بوگ زورگریں پاکستانی لشکر ءِ کمک کنگ ءُ بلوچ راجی نپانی تاوان دیگ ءِ بھتام راست بوتگ اَنت۔ چہ ایشی ءَ پد بلوچ آمیدگس ءَ اے میاربارانی مرگ ءِ سزا گوشتگ۔
آئی ءَ گوشتگ کہ بی ایل اے ءَ بیست ءُ شش جون ءَ وتی درشان ءَ اے میاربارانی مرگ ءِ سزا دیگ ءَ پیش میان استمانی جنگی راھبندانی پاسداری کرتگ ءُ زورگریں پاکستانی لشکر ءَ بندیگانی مٹ کنگ ءِ گوشتگ ءُ یک ھپتگے ءِ وھد داتگ اَت۔ زورگریں پاکستانی لشکر ءَ بندیگانی مٹ کنگ ءَ ابید ھمے ھنداں لشکرکشی بندات کرتگ۔ زورگریں لشکر ءِ اے رویشت دیستگ ءُ بی ایل اے ءِ کلانھیں کونسل ءَ گیشیں وھد دیگ ءَ ابید میاربارانی مرگ ءِ سزا ءِ پرمان داتگ۔
جارکش ءَ گوشتگ کہ بی ایل اے انساپ ءِ میان استمانی ادارہ ءُ اے میاربارانی کھولاں تچکی ءَ گوش ایت کہ بی ایل اے میان استمانی جنگی راھبندانی پارست ءَ بندیگانی مٹ کنگ ءِ شرت ءِ سر ءَ اے میارابارانی یل کنگ ءَ رازیگ بوتگ، بلے زورگریں پاکستانی لشکر وتی ھمے کارمندانی زندگ ءُ سلامتی ءَ آھگ نہ لوٹ اتگ۔ اے میاربارانی مرگ ءِ سزا ءِ سر ءَ کار کنگ بیت۔ اے چارمی رند اِنت کہ زورگریں پاکستانی لشکر ء َ بی ایل اے ءِ جنگی بندیگانی مٹ کنگ ءِ لوٹ ءِ سر ءَ کار کنگ ءَ ابید وتی کارمندانی مرگ ءَ لوٹ اتگ۔
