بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مرچی کلات ءَ زورگریں پاکستانی لشکر ءِ یک کاروانے گوں چیرکرتگیں شورھان نشانگ کرتگ، تراک ءِ آسر ءَ دو کارمند مرتگ ءُ چار ٹپی بوتگ۔
آئی ءَ گوشتگ کہ سرمچاراں کلات ءِ ھند اسکلکو ءَ زورگریں پاکستانی لشکر ءِ دوازدہ گاڑیانی کاروان ءَ ھواریں یک گاڑی یے ھما وھد ءَ گوں چیر کرتگیں شورھاں نشانگ کرتگ کہ آ ھمے ھند ءَ پہ لشکری زوراکیانی نیت ءَ روگ ءِ جھد ءَ بوتگ اَنت۔
جارکش ءَ گوشتگ کہ تراک ءِ آسر ءَ دژمنیں لشکر ءِ نائیک شپکت ءَ ھوار دو کارمند جاھی مرتگ ءُ چار کارمند نائیک شاہ نواز، سپاھی بشیر، سپاھی اویس ءُ سپاھی مھمد اپزل ٹپی بوتگ اَنت۔
بی ایل اے ءِ جارکش جیھند ءَ ارش ءِ زمہ واری من اتگ ءُ گوشتگ کہ زورگریں پاکستانی لشکر ءِ چہ بلوچستان ءَ سرجم ءَ در آھگ ءَ مئے کاروائی برجاہ بنت۔
