شال: سی ٹی ڈی ءِ کارمندانی دست ءَ زور بیگواہ کنگ بوتگیں زھیر اھمد ء ھاجی ابداللہ ءِ کھول ءَ آئی زوریں بیگواھیں بگیری ءَ برما ھوٹل ءِ نزیک ءَ زھرشانی ءَ دگ بند کرتگ۔ زھرشانی ءَ نودربر، زھگ ءُ جنیناں ھوار جتائیں بھرگانی مردماں بازیں کچے ءَ بھر زرتگ۔
آیانی گوشگ اِنت کہ زھیر اھمد ءَ چار روچ پیش سی ٹی ڈی ءِ کارمنداں چہ شال ءِ ایریگیشن کارئز ءَ آوار جتگ ءُ بیگواہ کرتگ کہ انگت بیگواہ اِنت۔
آیاں گوں شال ءِ جاہ منندیں درسیں بھرگاں سیادی داروکیں مردماں لوٹ کرتگ کہ آ بیا اَنت ءُ زھرشانی ءَ ھوار بہ بنت پہ زھیر اھمد ءِ آجوئی ءَ توار چست کنگ ءَ وتی کرد ءَ پیلو بہ کن اَنت۔
