آواران: دو روچ پیش چہ جاؤ ءَ ابداللہ نامیں ورنایے آوار جنگ ءُ بیگواہ کنگ بوتگ۔
اھوالکار ءِ رد ءَ آوار جنگ بوتگیں ابداللہ ء ابدالمالک کورک جاؤ ءِ جاہ منند اِنت، آ واجہ ءِ باگ ءِ بازار ءَ ھوٹلے ءَ کار ءَ بوتگ دو روچ پیش سلاہ بندیں مردماں آوار جتگ ءُ گوں وت برتگ۔ سلاہ بندیں مردم دو بوتگ اَنت آ پرپٹے ءَ سوار بوتگ اَنت۔ سلاہ بندیں مردماں ابداللہ ءِ موبائل لوٹ اتگ آئی وتی موبائل نہ داتگ آیاں ابداللہ ءِ چم بستگ اَنت ءُ پرپٹ ءَ سوار کرتگ۔
انچوش گمان کنگ بوگ ءَ اِنت کہ سلاہ بندیں مردم پاکستانی لشکر ءِ جوڑ کرتگیں کشندہ ٹولی ءِ کارمند بنت۔ دو روچ ءِ گوزگ ءَ پد انگت ءَ آئی ھچ وڑیں ھال نیست۔
