![](https://zrumbesh.com/wp-content/uploads/2024/06/photo-output-21.JPEG-1024x576.jpg)
بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کلات ءَ زورگریں پاکستانی لشکر ءِ بنجل ءُ پانگس نشانگ کُرتگ اَنت۔
28 آئی گوشتگ کہ جون ءِ شپ ءِ یازدہ ءَ سرمچاراں کلات ءِ ھند جوھان ءَ برجاھیں پاکستانی لشکر ءِ بنجل ءِ سر ءَ راکٹ ءُ دگہ نوکیں سلاھانی سر ءَ اُرش کُرتگ، اُرش ءَ راکٹ گولا بنجل ءِ تہ ءَ کپتگ اَنت ءُ چہ ایشی ءَ پاکستانی لشکر ءَ بازیں کچے ءَ جانی ءُ مالی تاوان بیتگ۔
جارکش ءَ گوشتگ کہ اُرش ءَ پد زورگریں لشکر ءِ نیمگ ءَ باز ماٹر آس دیگ بیتگ ءُ جاسوسی ڈرون ھم بال دیگ بیتگ ءُ سُھب ءِ شش ءَ جنگی بالیگاں تیرگْواری کُرتگ،بلے سرمچار پہ دْراھی در کپتگ ءُ وتی مھکمیں ڈوارجاھاں سر بیتگ اَنت۔
آئی ءَ گوشتگ کہ دگہ یک اُرشے ءَ سرمچاراں 30 جون ءَ کلات ءِ ھند جوھان شاہ مردان ءَ پاکستانی لشکر ءِ پانگس ءِ سر ءَ گوں اسنائپر، راکٹ لانچر ءُ دگہ سلاھانی سر ءَ اُرش کُرتگ، اُرش ءَ زورگریں لشکر ءَ بازیں کچے ءَ جانی ءُ مالی تاوان بیتگ،
میجر گھرام ءَ ارشانی زمہ واری من اتگ ءُ گوشتگ کہ مئے اُرش داں بلوچستان ءِ آجوئی ءَ زورگریں لشکر ءِ سر ءَ برجاہ بنت۔