بلوچ آجوئی لشکر ( بی ایل اے ) ءِجارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں دوشی شال ءِ زرگون ءَ گیس پیلڈ ءِ پھازداریں پاکستانی لشکر ءِ کارمند گوں ارش ءَ نشانگ کرتگ اَنت۔ ھمے میان ءَ دژمنیں لشکر ءِ جتگیں کیمرہ ھم تباہ کرتگ اَنت۔
آئی ءَ گوشتگ کہ بی ایل اے ءِ سرمچاراں دوشی گیس پیلڈ ءِ سر ءَ برجاھیں زورگریں پاکستانی لشکر ءِ پانکس ءِ پھازداریں کارمندانی سر ءَگوں نوکیں سلاھاں ارش کرتگ ءُ دو دژمنیں کارمند کشتگ ءُ باز ٹپی کرتگ۔
جارکش ءَ گوشتگ کہ سرمچاراں ھمے میان ءَ دژمن ءِ نیمگ ءَ جتگیں چاریگی کیمرہ ھم نشانگ کرتگ ءُ تباہ کرتگ اَنت۔
بی ایل اے ءِ جارکش جیھند ءَ گوشتگ کہ بی ایل اے ءَ تچک کرتگ کہ بلوچ مڈیانی لٹ ءُ پل ءِ موکل ءَنہ دے ایں۔ زورگریں پاکستانی لشکر ءُ آئی شریداریں لٹ ءُ پلی شوربندیانی سر ءَ مئے ارش گوں ترندی ءَ برجاہ بنت۔
