![](https://zrumbesh.com/wp-content/uploads/2024/06/Screenshot_20-1.png)
تربت: زورگریں پاکستانی لشکر ءَ ورنایے آوار جتگ ءُ بیگواہ کرتگ
اھوالکار ءِ رد ءَ زور بیگواہ کنگ بوتگیں ورنا ءِ نام دلاور مومن اِنت کہ زی بیگاہ ءَ پاکستانی لشکر ءَ چہ بلوچی بازار ءَ گوں گاڑی ءَ ھما وھد ءَ آوار جتگ آ وتی گاڑی ءِ شودگ ءَ بوتگ۔ پاکستانی لشکر ءَ دلاور ءَ گوں گاڑی ءَ ھوار آوار جتگ ءُ برتگ۔
زور بیگواھیں دلاور ءِ مات ءَ آئی زوریں بیگواھی ءِ گپ راست کرتگ ءُ مرچی سھب ءَ کیچ دمگدار ءِ کارگس ءِ دیم ءَ برجاھیں زھرشانی نندانک ءَ آتکگ ءُ نشتگ۔
آئی مات ءِ گوشگ اِنت کہ پرندوشی دہ ءَ منی زھگ چہ سیمسر ءَ آتکگ ءُ زی سھب ءَ وتی گاڑی ءِ شودگ ءَ شتگ کہ پاکستانی لشکر ءَ گوں گاڑی ءَ آوار جتگ۔ اگاں منی زھگ ءَ چونیں میارباری یے کرتگ آمیدگس ءَ آرگ ءُ پیش کنگ بیت، آئی گواہ ھم مارا پیش کنگ بہ بنت۔