![](https://zrumbesh.com/wp-content/uploads/2024/06/نیدر-لینڈز-1024x576.jpg)
بلوچ راجی زرمبشت ( بی این ایم ) نیدرلینڈز تک ءِ نیمگ ءَ ڈاکٹر دین مھمد ءِ پانزہ سال ءِ زوریں بیگواھی ءِ بگیری ءَ نیدرلینڈز ءِ شھر نورد ھالینڈ، زیڈ ھالینڈ، نورڈ ھالینڈ، زیلینڈ، نورد، ھالینڈ ، برابانٹ، لمبرگ، یوٹریچٹ، گیلڈرلینڈ، پلیولینڈ، اوورجیسل، ڈرینتھ، پریز لینڈ، گروننگنءَ پنتاک بھر ءُ بانگ کنگ بوتگ۔
ڈاکٹر دین مھمد 28 جون 2009 ءَ چہ ھزدار ءِ ھند اورناچ ءَ کارءِ سر ءَ نادراھجاہ ءَ پاکستانی چیریں ادارھانی کارمنداں آوار جتگ ءُ بیگواہ کرتگ انگت بیگواہ اِنت۔
پہ ڈاکٹر دین مھمد ءِ آجوئی ءَ آئی جنک سمی ءُمھلب روانک زھرشانی کنگ ءَ اَنت۔ سمی ءَ پہ وتی پت ءِ آجوئی ءَ چہ شال ءَ داں اسلام آباد ءَ 2500 ءَ پیادگ ءَ راونک ءَ شتگ۔ سمی دین ءِرد ءَ آئی پت ءِ زوریں بیگواھی ءَ پانزدہ سال سرجم بوتگ بلے چہ سرکار ءِ نیمگ ءَ دلبڈی دیگ ءَ ابید انگت دیم ءَ آرگ نہ بوتگ۔
ڈاکٹر دین مھمد ءِ زوریں بیگواھی ءِ پانزہ سال سرجم بوگ ءُ بلوچستان ءَ ھزارانی کچ ءَ زور بیگواھیں مردمانی پہ آجوئی ءَ پنتاک بھر ءُ بانگ کنگ بوتگ۔ پنتاک ءِ مول بلوچستان ءَ مردمی ھکانی لگتمالی ءِ باروا میان استمان ءِسرپد کنگ ءُ گوں جھان ءَ لوٹ کنگ بوتگ کہ بلوچستان ءَ چنچو مردم زور یبگواہ کنگ بوگ ءَ اِنت پہ آیاں توار چست بہ کن اَنت۔