بلوچ آجوئی لشکر ( بی ایل اے )ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زامران ءَ سے جتائیں ارشاں زورگریں پاکستانی لشکر ءُ چاریگی کیمرہ نشانگ کرتگ اَنت، ارشانی آسر ءَ دو دژمنیں کارمند مرتگ ءُ چاریگی کیمرہ تباہ بوتگ۔
آئی ءَ گوشتگ کہ بی ایل اے ءِ سرمچاراں 23 جون ءَ زامران ءِ ھند لد کور ءَ سے ءِ نزیک ءَ زورگریں پاکستانی لشکر ءِ پانگس ءِ پھازداریں کارمند گوں اسنائپر ءَ نشانگ کرتگ۔ارش ءِ آسر ءَ آ جاھی مرتگ۔
جارکش ءَ گوشتگ کہ ھمے وڑ ءَ سرمچارانی دگہ ٹولی یے ءَ دژمنیں لشکر ءِ نیمگ ءَ جتگیں چاریگی کیمرہ نشانگ کرتگ ءُ تباہ کرتگ۔
آئی ءَ گوشتگ کہ بی ایل اے ءِ سرمچاراں زی دگہ یک ارشے ءَ زامران ءِ ھند پگنزان ءَ اسنائپر ارش ءَ پاکستانی لشکر ءِ کارمند کشتگ۔ ھمے کارمند دژمنیں لشکر ءِ پانگس ءِ پھازدار بوتگ۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ داں زورگریں لشکر ءِ درآھگ ءَ مئے ارش برجاہ بنت۔
