بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ پتہ اسکواڈ ءَ بیست جون ءَ اھوتی ھالے ءِ بنیاد ءَ شال ءِ نزیکیں ھند زرگون ءِ نزیک ءَ شھبان ءَ یک نشانگیں آپرییشنے کرتگ دہ شکی ئیں مردم دزگیر کرتگ۔ بنداتی جست ءُ پرس ءَ پد بلوچ آمیدگس ءَ پیش کرتگ اَنت۔ اود ءَ ھپت میاربارانی سر ءَ پاکستانی لشکر ءُ چیریں ادارھانی گون ءَ تچکی ءَ بلوچ راجی زرمبشت ءِ بگیری ءَ پرکار بوگ ءِ بھتام راست بوتگ اَنت، بلے سے بے میار بوتگ، چہ ایشی ءَ پد اے سے ئیں مردم پہ سلامتی یل کنگ بوتگ اَنت۔
آئی ءَ گوشتگ کہ بے میار بوگ ءَ پد یل داتگیں مردمانی پجار مھمد ھارس رپیہ ء مھمد رپیہ جاہ منند ملتان پنجاپ، ھسنین سیال ء ابدالواھد سیال جاہ منند شال، ابدالبسیر درانی ء ابدالزیز درانی جاہ منند شال اِنت۔
جارکش ءَ گوشتگ آدگہ ھپت مردمانی سر ءَ بلوچ راجی زرمبشت ءِ بگیری ءَ کار کنگ، بلوچ چکچینی ءَ زورگریں لشکر ءِ کمک ءُ بلوچ راجی نپانی تاوان دیگ ءِ بھتام سرزد بوتگ آیانی سزایانی سر ءَ زوت کار کنگ بیت۔
جیھند ءَ گوشتگ کہ اے درگت ءَ بی ایل اے ءِ کلانھیں کمانڈ کونسل ءِ نیمگ ءَ ھمے سوڑگ بوتگ کہ اے میاربارانی سزا دیگ ءَ پیش میان استمانی جنگی راھبندانی پاسداری ءَ کن ایں بی ایل اے زورگریں پاکستانی لشکر ءِ گون ءَ بندیگانی مٹ کنگ ءِ واھشت ءَ پیش کنت۔ اے درگت ءَ لشکر ءَ یک ھپتگے ءِ وھد ءَ دے ایں۔ وھدے سرجم بوگ ءَ پد میاربارانی سزا دیگ ءِ سر ءَ زوت کار کن ایں۔
