بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شبگ کرتگیں درشانے ءَ گوشتگ کہ سرمچاراں 22 جون ءَ کیچ ءِ ھند مند، گیاب ءَ پاکستانی لشکر ءِ کمکار بھار پنام بابو ڈکیت گوں چیر کُرتگیں شورھاں نشانگ کُرتگ۔اُرش ءَ کشندہ ٹولی ءِ سروک بابو تپری گوں ھمراھاں ٹپی بیتگ، راجی راجدروہ چہ ایشی ءَ پیش ھم بی ایل ایپ سرمچاراں نشانگ کُرتگ ۔اے رندی رَکگ ءَ پد راجی راجدروہ ءِ ھمراھاں نزیکیں مانشجاہ ءَ بیڑ بُرتگ ءُ شھید ھلیل ءُ شھید نبیلءِ مانش لوڑینتگ اَنت ءُ راج دژمنی ءُ آجوئی زْرمبشت ءِ بگیری ءَ وتی کینگ تچکی ءَ پیشداشتگ۔
آئی ءَ گوشتگ کہ اے راجی میاربار پاکستانی لشکر ءُ چیریں ادارھانی کمکار ءُ سرمچارانی شھید کنگ ءَ بگر داں چاگردی دُرسیں سلکاریاں ھوار اِنت، ایشی ءَ ابید پاکستانی لشکر ءِ دُرسیں لشکری کاروائیانی کمک کنوک اِنت۔
جارکش ءَ ارش ءِ زمہ واری من اتگ ءُ گوشتگ کہ ریاست ءِ دُرسیں کمکاراں کڈن کن ایں کہ آ چہ وتی راج دژمنی چست ءُ ایراں وت ءَ گستاہ بہ کن اَنت اگاں نہ بی ایل ایپ آیانی بگیری ءَ تُرندیں کاروائی کنت ءُ آیان ءَ آیانی میار باریانی سزا ءَ دنت۔
میجر گھرام ءَ گوشتگ کہ راجدروھیں مردم سلیں مرگے ءَ مِر اَنت ءُ چہ ایشی ءَ آیانی آؤکیں پدریچ ھم شرمندگ بنت۔بلوچ راج ءِ ھر مردم ءِ سر ءَ ھژدری اِنت کہ آ ھر وڑ ءَ بلوچ راجی زْرمبشت ءِ ھمراھداری ءَ بہ کن اَنت،اگاں کسے انسانی نزوری ءِ بنیاد ءَ زْرمبشت ءِ ھمراھداری ءَ کُرت نہ کنت گڑا دژمن ءِ کمکار جوڑ مہ بیت ءُ وتی باندات ءَ تھار دیمگ مہ کنت۔بی ایل ایپ تچکی ءَ گْوش ایت کہ راجی سیتانی بگیری ءَ ھچ پیمیں چست ءُ ایراں اوپار کنگ نہ بنت۔
