پسنی: پاکستانی لشکر ءِ جوڑ کرتگیں چیریں ادارھانی کارمنداں بھادر ء بشیر اھمد نامیں نودربرے آوار جتگ ءُ بیگواہ کرتگ۔
بھادر بشیر ءِ زوریں بیگواھی ءِ گپ آئی برات ساھل بشیر ءَ راست کرتگ ءُ گوشتگ کہ بھادر کراچی زانشتجاہ ءِ نودربرے ءُ آ ائید ءِ موکلاں پسنی ءَ آتکگ کہ مرچی بیگاہ ءِ ادار ھپت ءَ پاکستانی لشکر ءِ جوڑ کرتگیں چیریں ادارہ ءِ کارمنداں چہ گل کباڑی ءَ آوار جتگ ءُ بیگواہ کرتگ۔
آئی ءَ باندا پسنی زیروپوائنٹ ءَ زھرشانی کنگ ءِ جار جتگ ءُ گوشتگ کہ درسیں بھرگاں سیادی داروکیں مردم بیا اَنت ءُ زھرشانی ءَ ھوار بہ بنت وتی بلوچ بوگ ءِ ھکّ پیلو بہ کن اَنت۔
