زور بیگواھیں ڈاکٹر دین مھمد ءِ جنک ءُ بیگواھیں بلوچانی توار ( وی بی ایم پی ) ءِ کارگشاد سمی دین ءَ ماں چاگردی رسانکدر ایکس ءَ تربت زھرشانی نندانک ءِ باروا نبشتگ کہ ھمے ماہ ءَ بلیدہ زامران ءِ زوربیگواھیں مردمانی کھولانی نیمگ ءَ داں تربت ءَ روانکے کشگ بوتگ ءُ زھرشانی ءَ نشتگ اَنت دمگی واکدارانی نیمگ ءَ آیا نی لوٹانی منگ ءِ دلجمی دیگ بوتگ بلے ھندی واکدار ءَ وتی کول پیلو نہ کرتگ اَنت۔
آئی ءَ گوشتگ کہ پد ءَ کھول 17 جون ءَ دوبر تربت ءِ گیشیں گرمی ءَ گوں کسانیں زھگانی ھواری ءَ نشتگ اَنت، بلے اے جیڑہ نہ رسانکدر ءَ آرگ بوتگ ءُ نہ مردمی ھکانی ادارھاں اے مزنیں جیڑہ ءِ بگیری ءَ توار چست کرتگ۔
