پنجگور: پاکستانی لشکر ءِ جوڑ کرتگیں کشندہ ٹولی ءِ کارمندانی دست ءَ زور بیگواہ کنگ بوتگیں ورنا نوید ءِ لاش دزکپتگ۔
اھوالکار ءِ رد ءَ نوید ء لال بکش ءِ لاش مرچی چہ پنجگور ءِ ھند جورکان کور ءَ دست کپتگ کہ آ تیرجنگ ءُ کشگ بوتگ۔ آئی لاش پہ ھژدری چار ءُ ٹپاس کنگ ءَ نادراھجاہ ءَ برگ بوتگ۔ نوید ء لال بکش ءَ 18 جون 2024 ءَ کشندہ ٹولی ءِ کارمنداں چہ ھوشاپ ءَ آوار جتگ ءُ بیگواہ کرتگ۔
نوید ءِ لاش ءِ دزکپگ ءِ گپ بلوچ راجی زرمبشت ( بی این ایم )ءِ مردمی ھکانی ادارہ پانک ءَ راست کرتگ ءُ ماں چاگردی رسانکدر ءِ تندجاہ ایکس ءَ آئی اکس شنگ کرتگ بژن درشان کرتگ ءُ ایر جتگ، یکشلیں زوریں بیگواھی ءُ بلوچ چکچینی ءِ دارگ ء لوٹ کرتگ۔
