کیچ: پاکستانی لشکر ءِ دست ءَ زور بیگواہ کنگ بوتگیں کاسم ءُ امیر ھان ءِ کھول ءَ آیانی یل نہ کنگ ءِ بگیری ءَ تجابان ءَ زھرشانی کرتگ ءُ سی پیک دگ بند کرتگ۔ زھرشانی ءَمردماں بازیں کچے ءَ بھر زرتگ ءُ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت۔
آیانی گوشگ اِنت کہ ما پہ کاسم ءُ امیرھان ءِ زوریں بیگواھی ءِ بگیری ءَ زھرشانی کرتگ ءُ چنچو رند ءَ گوں واکدار ءَ رھوت کرتگ ءُ گوشتگ اَنت بلے پہ آیانی آجوئی ءَ انگت ءَ ھچ وڑیں گامگیج زورگ نہ بوتگ۔
آیانی گوشگ دانکہ کاسم ءُ امیر ھان آجو نہ بوتگ اَنت ما وتی زھرشانی ءَ برجاہ دار ایں۔
