بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِسرمچاراں مشکے ءُ دکی ءَ جتائیں ارشاں زورگریں پاکستانی لشکر ءِ یک کارمندے ءَ ھوار دو ھندی کارمند کشتگ۔
آئی ءَ گوشتگ کہ سرمچاراں آواران ءِ ھند مشکے ءَ یک ارشے ءَ زورگریں پاکستانی لشکر ءِ جوڑ کرتگیں وتگڑیں کشندہ ٹولی ءِ دو کارمند کشتگ۔
جارکش ءَ گوشتگ کہ بی ایل اے ءِ سرمچاراں مشکے ءِ ھند نوکجو پُچڑ ءَ کاروائی کرتگ ءُ کشندہ ٹولی ءِ دو کارمند دولت مھمد ھسنی ءُ مرید مھمدھسنی کشتگ اَنت۔ سرمچاراں اے کارمندانی سلاہ دستیگ کرتگ اَنت۔
آئی ءَ گوشتگ کہ اے مردم میر دینو ءِ سروکی ءَ مشکے ءِ کِر ءُ کشاں زورگریں پاکستانی لشکر ءِ ھمراھی ءَ گساں بیڑ برگ، مردمانی زور بیگواہ کنگ ءُ آیانی لٹ شاپ کنگ ءَ تچکی ءَ ھوار بوتگ اَنت۔ اے سرکاری سلاہ بند بلوچانی زور کارگرگ ءُ لس مردمانی بے میار ءَ لٹ شاپ کنگ ءَ ھوار بوتگ اَنت۔
جارکش ءَ گوشتگ کہ ھمے وڑ ءَ سرمچاراں دکی ءَ زورگریں پاکستانی لشکر ءِ یک پانگسے ارش ءَ نشانگ کرتگ۔ سرمچاراں گوں نوکیں سلاہ ءُ گرنیڈ لانچر ءَ گولا آس داتگ ءُ دژمنیں لشکر ءِ سر ءَ ارش کرتگ۔ ارش ءِ آسر ءَ یک دژمنیں کارمندے جاھی مرتگ ءُ آئی ءَ گیشتر جانی ءُ مالی تاوان بوتگ۔
