شال: بیگواھیں بلوچانی توار ( وی بی ایم پی ) ءِ سرکماش نسراللہ ءَ وتی شنگ کرتگیں درشانے ءَ گوشتگ کہ وی بی ایم پی ءِ نیمگ ءَ آئید ءِ روچ ءَ بیگاہ ءِچار ءَ شال پریس کلب ءِ دیم ءَ پہ زور بیگواھیں مردمانی یل نہ کنگ ، زویں بیگواھی،دروگیں میڑاں بیگواھیں مردمانی ناھکیں کوش ءُ بلوچستان ءَ برجاھیں ریاستی زوراکیانی بگیری ءَ زھرشانی کن ایں۔
آئی ءَگوشتگ کہ من گوں درسیں سیاسی پارٹی ءُ نودربر گلاں ھوار گوں شالءِ جاہ منند ایں مردماں لوٹ کن آں کہ زھرشانی ءَ بھر بزور اَنت۔
نسر اللہ ءِ دیمتر ءَ گوشتگ کہ ابدرشید ءِ زوریں بیگواھی ءِ کیس کھول ءَ وی بی ایم پی ءِ کر ءَ یاداشت کرتگ ءُ گوشتگ کہ ابدرشید ء ملک داد ءَ پاکستانی لشکر ءَ 10 جون ءَ چہ آئی گس ءَ چالو باوڑی سیٹلائٹ ٹاون شال ءَ درکانودی آوار جتگ ءُ بیگواہ کرتگ پد ءَ ھما اِنت کہ آئی کھول ءَ ھچ وڑیں سرپدی دیگ ءَ نہ اَنت کھول سکا جنجالانی دیمپان اِنت۔
آئی گوشتگ کہ گل ءَ ابدرشید ءِ کھول دلجمی داتگ کہ آئی کیس ءَ پہ زور بیگواھیں مردماں جوڑ بوتگیں کمیشن ءُ سرکار ءَ دنت۔ پہ آئی آجوئی ءَ ھمک جاہ ءَ توار چست کنت۔
