بلوچ آجوئی لشکر ( بی ایل اے ) ءِجارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کلات ءَ لٹ ءُ پلی شوربندی پہ سیندک ءَ سامان بروکیں مال ءَ باریں گاڑی ءُ زورگریں پاکستانی لشکر دو جتائیں ارشاں نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں دوشی کلات ءِ ھند منگوچر ءَ پہ لٹ ءُ پلی شوربندی سیندک ءَ سامان بروکیں یک مال ءَ باریں گاڑی یے ارش ءَ نشانگ کرتگ۔
جارکش ءَ گوشتگ کہ بی ایل اے ءِ سرمچاراں گاڑی ءِ سر ءَ تیرگواری کرتگ ءُ گرنیڈ لانچر ءِ گولا آس داتگ ایشی آسر ءَ گاڑی ءُ ھمے سامان تاوان بوتگ اَنت۔
آئی ءَگوشتگ کہ مرچی بی ایل اے ءِ سرمچاراں کلات ءِ شھر ءَ زورگریں پاکستانی لشکر ءِ مزنیں بنجل ءِ سر ءَ گرنیڈ لانچر ءِ باز گولا آس داتگ کہ تراکانی آسر ءَ دژمنیں لشکر ءَ مالی ءُ جانی تاوان بوتگ۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ زورگریں پاکستانی لشکر ءُ آئی شریدارانی سر ءَ مئے ارش برجاہ بنت۔
