کیچ: تمپ ءَ زورگریں پاکستانی لشکر ءَ براھمدگ نامیں ورنایے یک رندے پد ءَ آوار جتگءُ بیگواہ کرتگ۔
اھوالکار ءِ رد ءَ زور بیگواھیں براھمدگ ء نواز تمپ ءِ میتگ دازن ءِ جاہ منند اِنت پاکستانی لشکر ءَ دوشی آئی گس ءَ بیڑ برتگ آوار جتگ ءُ بیگواہ کرتگ۔ بیڑ برگ ءِ میان ءَ پاکستانی لشکر ءَ گسانی پٹ ءُ پول کنگ ءِ ھواری ءَ گوں مردماں زوراکی کرتگ ءُ موبائل ھم پل اتگ اَنت۔
براھمدگ ءِ باروا گوشگ بوگ ءَ اِنت کہ اولی رند ءَ 14 اکتوبر 2023 ءَ پاکستانی لشکر ءَ آوار جتگ ءُ بیگواہ کرتگ6 پروری 2024 ءَ آجو بوتگ۔
براھمدگ ءِزوریں بیگواھی ءِ گپ کھول ءَ راست کرتگ ءُ پہ آئی آجوئی ءَ لوٹ کرتگ۔
