آواران: پاکستانی لشکر ءِ جوڑ کرتگیں کشندہ ٹولی ءِ کارمندانی دست ءَ ورنایے ءِ لٹ شاپ کنگ ءِ تامربند ماں رسانکدر ءَ شنگ بوتگ۔
اھوالکار ءِ رد ءَ کشندہ ٹولی ءِ کارمندانی دست ءَ لٹ شاپ کرتگیں مردم ءِ نام سمیر ء پکیر اِنت آ زمیندارے کہ مشکے ءِ میتگ نوکجو ءِ جاہ منند اِنت۔ سمیر ء پکیر پنچ جون ءَ ڈگارانی سر ءَ شتگ کشندہ ٹولی ءِ کارمنداں لٹ شاپ کرتگ۔
کشندہ ٹولی ءِ کارمندالی ھیدر مھمد ھسنی ءِ چیردستی ءَ کارکنوکیں دین مھمد پنام دینو مھمد ھسنی ءِ کارمند بوتگ اِنت۔ آیاں گوشتگ کہ تو مئے موکل ءَ ابید چی ءَ ڈگارانی سر ءَ آتکگ ئے۔
کشندہ ٹولی ءِ کارمندانی لٹ شاپ کنگ ءِ تامربند چہ بلوچ راجی زرمبشت ( بی این ایم ) ءِ مردمی ھکانی ادارہ پانک ءِ رسانکدری تندجاہ ایکس ءَ شنگ بوتگ ءُ آئی ویل ءِدرگت ءَ پٹ ءُ پول کنگ ءِ لوٹ کرتگ۔
کشندہ ٹولی ءِ لٹ شاپ کنگ ءِ تامربند ھم رسانکدر ءَ شنگ کنگ بوتگ کہ آئی ءِ تہ ءَ ھمے گوشگ بوگ ءَ اِنت کہ توبہ بہ کنت۔ کشندہ ٹولی ءِ کارمند توپک ءِ آرگ ءُکشگ ءِ بیھار ءَ دیگ ءَ اَنت کہ ھمے جنگجاہ ءَ جنینے ھم دزبندی کنگ ءَ اِنت۔
یات بہ بہ اِت کہ مشکے ءَ 2018 ءَ کشندہ ٹولی ءِ کارمنداں بل شیر نامیں مردمے لٹ شاپ کرتگ اَت کہ تو بہ گوش پاکستانی آرمی زندگ بات آ گوش ایت ڈاکٹر اللہ نزر زندگ بات ھمے تامربند رسانکدر ءَ شنگ بوتگ اَت۔
