کیچ؛ تربت ءَ دوشی دو جتائیں جاھاں پاکستانی لشکر ءَ بیڑ برتگ ءُ دو ورنا آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنایانی نام آسپ ء کاسم ءُ الی اھمد ء زریپ اِنت۔ پاکستانی لشکر ءَ دوشی شپ ءِ سے ءَ آسکانی شاہ آبا د ءَ بیڑ برتگ ءُ آسپ آوار جتگ ءُ بیگواہ کرتگ۔ الی اھمد دوشی شپ ءِ یک ءَ چہ شاھی تمپ تربت ءَ پاکستانی لشکر ءَ آوار جتگ ءُ بیگواہ کرتگ۔
زور بیگواھیں کاسم ءِ باروا گوشگ بیت کہ زامران ءِ میتگ تاپلو ءِ جاہ منند اَنت ءُ سیمسر ءَ تیل ءِ باپاری کنت۔
اے دوئیں ورنایانی زوریں بیگواھی ءِ گپ سول سوسائٹی ءِ سروک گلزار دوست ءَ راست کرتگ ءُ ماں چاگردی رسانکدر ءَ آیانی اکس شنگ کرتگ اَنت۔
