کیچ: چہ شال ءَ پاکستانی لشکر ءِ دست ءَ زور بیگواہ کنگ بوتگیں نودربر پاروک ءِ کھول ءِ نیمگ ءَتجابان ءَ سی پیک دگ ءَبرجاھیں زھرشانی نندانک ءَ کھول ءُ واکدار ءِ میان ءَ گپ ءُ تران سوبمند بوتگ ءُ کھول ءَ زھرشانی ھلاس کرتگ۔
کیچ واکدار ءَ چہ زور بیگواھیں نودربر پاروک سکی داد ءِ کھول ءَ سے روچ ءِ وھد لوٹ اتگ کہ ما سے روچ ءِ تہ ءَ پاروک ءَ آجو کناھین ایں، کھول چہ آیانی اے گپ ءَ رازیگ بوتگ ءُ دگ اِش پچ کرتگ۔
یات بہ بہ اِت کہ گوستگیں سے روچ اِنت زور بیگواھیں پاروک سکی ءِ کھول ءَ آئی یل نہ کنگ ءِ بگیری ءَ تجابان ءَ سی پیک دگ بند کرتگ ءُ زھرشانی ءَ نشتگ اَنت۔ زی پاکستانی لشکر ءَ پہ دگ ءِ پچ کنگ ءَ زھرشانی نندانک ءِ سر ءَ بیڑ برتگ ءُ گوں مردماں زوراکی کرتگ بلے آیان ءَ وتی زھرشانی ھلاس نہ کرتگ۔
