بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں بلیدہ، زامران ءُ مستونگ ءَ سے جتائیں ارشاں زورگریں پاکستانی لشکر نشانگ کرتگ، ارشاں دو کارمند مرتگ ءُ پنچ ٹپی بوتگ۔
آئی ءَ گوشتگ کہ بی ایل اے ءِ سرمچاراں بلیدہ ءِ ھند گلی ءَ زورگریں پاکستانی لشکر ءِ یک گاڑی یے گوں چیرکرتگیں شورھاں نشانگ کرتگ، تراک ءِ آسر ءَ سے دژمنیں کارمند ٹپی بوتگ اَنت، وھدے کہ اے گاڑی سکا تاوان بوتگ۔
جارکش ءَ گوشتگ کہ ھمے وڑ ءَ سرمچاراں زامران ءَ جاپشان ءُ تنک ءِ میانجی ءِ ھند ءَ زورگریں پاکستانی لشکر ءِ پیادگ ءَ روکیں کارمندانی سر ءَ سنگر گپتگ ءُ نشانگ کرتگ اَنت۔ سرمچاراں گوں وتکاریں سلاھاں ارش کرتگ۔ایشی ءِ آسر ءَ دو کارمند جاھی مرتگ۔
آئی ءَ گوشتگ کہ بی ایل اے ءِ سرمچاراں 2 جون 2024 ءَ مستونگ ءِ ھند اسپلنجی، مرو کنڈ ءَ زورگریں پاکستانی لشکر ءِ بنجل ءِ یک پانگسے ءِ ساڑی ئیں کارمند گوں دستی بمبءَ نشانگ کرتگ اَنت، تراک ءِ آسر ءَ دو دژمنیں کارمند سکا ٹپی بوتگ۔
بی ایل اے ءِ جارکش جیھند ءَ اے ارشانی زمہ واری من اتگ ءُ گوشتگ کہ داں مول ءَ سوبین بوگ ءَ مئے ارش برجاہ بنت۔
