بلوچ نودربر گل ( بی ایس او ) ءِ بنجاھی جارکش ءَ وتی شنگ کرتگیں درشانے ءَ گوشتگ کہ چہ ھزدار ءَ بھاولدین زکریا زانشتجاہ ءِ نودربر انیس شھدگ ءَ ھوٹلے ءَ نندوک بوتگ شپ ءِ ھشت ءَ سلاہ بندیں مردماں آوار جتگ ءُ بیگواہ کرتگ۔ آئی آوارجنی بلوچ دژمنیں شونداتانی آسر اِنت۔
آئی ءَ گوشتگ کہ انیس بی این پی ءِ بنجاھی ایگزیکٹو پتر ءِباسک چیئرمین واھد ءِ گھارزتک اِنت ءُ بی ایس او ءِ بنجاھی پتر ءِ باسک بیبرگ ءِ ناکوزتک اِنت۔ چیئرمین واھد ءُ آئی کھول وتی سیاسی کارانی سوب ءَ چہ بنداتی روچاں سرکار ءُ آئی جوڑ کرتگیں کشندہ ٹولی ءِ بیھارانی آماچ اَنت۔ آیانی گپ مدام رسانکدر ءَ کنگ بوتگ۔
آئی ءَ گوں ھزدار ءِ واکدار ءَ لوٹ کرتگ ءُ گوشتگ کہ چہ سھب بوگ ءَ پیش انیس ءِ باروا پٹ ءُ پول بہ کنت ءُ آجو بہ کناھین ایت۔ اگاں نہ مئے آھوکیں گامگیج سکا ترند بیت۔
