گوادر: لین ءِ نیستی ءِ بگیری ءَ مردماں سید ھاشمی ،بالی پٹ دگ ءَ دمگدار ءِ گس ءِ دیم ءَ زھرشانی ءَ دگ بند کرتگ۔ زھرشانی ءَ جنین ءُ زھگاں ھوار مردماں بازیں کچے ءَ بھر زرتگ۔
زھرشانی ءَ مردماں تران کرتگ ءُ گوشتگ کہ پنچ روچ اِنت لین نیست ما چہ بے لینی ءَ سکا جنجالانی دیمپان ایں۔ پنچ روچ اِنت کہ مارا رد دیگ ءُ گوشگ ءَ اَنت سھب ءَ بیگاہ ءَ لین کاینت مارا ھشک ءَ ودار دیگ ءُ دروگ بندگ ءَ اَنت بلے انگت ءَ پہ لینانی شرکنگ ءَ ھچ وڑیں گامگیج زورگ نہ بوتگ ما پمیشکا لاچار بوتگ ایں ءُ زھرشانی کنگ ءَ ایں۔
زھرشانی کنوکیں مردمانی گوشگ اِنت دانکہ لین شرکنگ نہ بوتگ اَنت ما دگا نی سر ءَ ٹائر ماندار ایں ءُ نند ایں۔
