بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں بارکان ءَ زورگریں پاکستانی لشکر ءِ کاروانے گوں چیرکُرتگیں شورھاں نشانگ کُرتگ۔
آئی ءَ گوشتگ کہ بی ایل ایپءِ سرمچاراں یک جون 2024 ءَ بارکان ءِ ھند بوڑھی ایشانی ءَ زورگریں پاکستانی لشکر ءِ یک کاروانے گوں چیرکُرتگیں شورھاں نشانگ کُرتگ کہ دژمن ءِ یک گاڑی یے تراک ءِ زد ءَ اَتکگ ءُ گاڑی ءَ باز تاوان بیتگ کہ چہ ایشی ءَ دژمن ءِ باز کارمند ٹپی بیتگ۔
جارکش ءَ گوشتگ کہ بی ایل ایپ زورگریں لشکر ءِ سر ءَ اُرش ءِ زمہ واری ءَ منّ ایت ءُ چہ بلوچ راج ءُ تیوک ءَ بارکان ءِ جوانمردیں بلوچاں لوٹ کنت کہ سرکار ءِ سردار ءُ آیانی وتگڑیں بگیردارانی اڑ ءُ جنجالاں ھوار مہ بنت پاکستان ءِ زورگری ءِ بگیری ءَ راجی آجوئی زْرمبشت ءِ سوبمندی ءَ داں منزل ءَ سر کنگ ءَ وتی راجی لشکر بی ایل ایپ ءَ ھوار بہ بنت ءُ ھرکس کہ ھوار بوت نہ کنت آ سرمچارانی پلہ مرزی ءُ کمک ءَ بہ کنت۔
